【觀塘美食】工廈$228任食美國肉眼牛扒 配主食羊架/燒豬肋骨
觀塘工業大廈餐廳Bella shine推出任食優惠，2小時內可任點牛扒及沙律之餘，更可任飲餐湯，另外再配有一款主食。最高記錄的挑戰者可以食到三大塊，一眾食肉獸不妨試試。
任食牛扒是美國肉眼扒，份量比小編的手還要大，肉質軟腍，牛味頗濃，客人可自行選擇生熟程度。
沙律任點，食到咁上下可以點份沙律消消滯。
餐湯任飲，每日款式不同，甘筍忌廉薑湯薑味頗重，可以暖暖胃。
除任食牛扒外，套餐還包有一款指定主食，每星期不同。
「韓國柚子蜜燒春雞」外皮塗上柚子蜜，雞肉嫩滑。
「法式寶雲酥羊架」配有炸蒜粒，味道不會太羶。
「清酒煮法國藍青口」，青口細細隻，但酒味不太突出。
「美式燒豬肋骨」大大份煮得入味。
六位客人以上會加送1打生蠔，約埋朋友更抵食。
另外，追加甜品每款減$20，食完肉不妨食埋甜品。
「流心綠茶多士配雪糕」，做到流心效果，綠茶味濃郁而且甘香，多士亦烤得香脆。
「岩鹽焦糖厚焗鬆餅」 ，鬆餅質感軟綿，重蛋香，焦糖味濃。
套餐成人每位$228、小童$158
供應時間為逢星期一至四6pm-9:45pm，入座起計2小時，價錢未計加一服務費。
活動資訊
- 地址 觀塘巧明街114號迅達工業大廈2樓B室
- 人均消費$201 - $400
- 開放時間星期一至四6pm-9:45pm(供應時間)
港生活限時優惠情報
【請您睇戲】投選您心目中的金像獎影帝影后🫅🏻👸🏻
↓立即投票贏禮物！↓
【Chill Guide旅遊指南😎】日韓台泰越深圳2025行程攻略✈️
↓即睇最新行程懶人包、爆紅打卡點🔥、必吃美食😋等↓
